دردشة افتراضية مع متسول محترف ومثقف...

شحال كتصور فالنهار ؟

** ماشي شغلك!

*علاش اللي ماشي شغلي ؟

** حيت هداك سر من أسار المهنة!

* على حساب داكشي اللي قال الهاروشي كاينين شي وحدين فيكوم كايصوروعشرة
لاف ريال فالنهار!

** والهاروشي تقدر تعرف شحال كيشد فالشهر ؟

* شي سبعا دالملاين واقيلا .

** الله يجيبك على خير أولدي ، باين لي انتا ما كتعرف والو واخا نتا زعما صحافي!

* عرفتي نتا شحال كيشد ؟

** هاديك سبعة دالملاين أولدي راه غير البوربوار ديالو!

* واخا . قل لي هل تتابع ما يجري على الساحة السياسية في المغرب ؟

** الحياة السياسية فالمغرب ما بقاش فيها الروح ، بحالها بحال مقبرة الشهداء!

* اذن انتا ما متبعش السياسة والسلام ؟

** الله يخلليك الى كان ممكن نتجاوزو هاد السؤال.

* علاش ؟

** مللي كانسمع السياسة ديال المغرب كاتجيني الدوخة

* واخا ، أشنو ضهر ليك فديك المبادرة اللي دارتها وزارة الهاروشي ؟

** أش من مبادرة ؟

* قال ليك أسيدي من هنا 2020 سيقضون على التسول والمتسولين .

** أواه ... باش غادي يقضيو عليهوم بالرصاص ولا بالسم ؟!

* لا ... كل واحد فيكوم غايعطيوه شي بركة ديال الفلوس يدير بها شي مشروع .

** ها حنا دخلنا فالهضرة ديال الدراري الصغار!

* مالك مابغيتيش تخدم ولا كيفاش ؟

** هاد الخدمة اللي أنا فيه ما غاديش نلقا بحالها!

* ولكن أصاحبي راكوم شوهتو الصورة ديال البلاد .

** اللي مشوهين الصورة والسمعة ديال البلاد هوما هادوك اللي
كيشفرو الخزينة ديال الدولة . كون ماشي هوما كاع ما تشوفني نطلب الصدقات لعباد الله!

* أش ناهي أكبر أمنية فحياتك ؟

** الحاجة الوحيدة اللي كانتمناها هي يوم القيامة يوصل بالزربة!

* علاش ؟

** باش نخرجو الزيت البلدية من هاد أولاد الحرام اللي كلاو رزقنا وخلاونا نتعذبوا
فهاد الدنيا!

* الى تلاقيتي ديك الساعة مع الهاروشي وطلب منك السماحة ، زعما ما
غاتسمحش ليه ؟

** والله أسيدي لا سمحت ليه واخا يبوس لي رجلي مليون مرة!

* يا لطيف أصاحبي ! القلب عندك قاصح بحال الحجر .

** الى كان قلبي بحال الحجر الهاروشي وهادوك اللي معاه فالحكومة عندهوم
قلوب بحال الحديد ديال الميريكان !

* كانشكرك بزاف على هاد الحوار .

** الى بغيتي تشكرني ضرب يدك فجيبك وجبد شي عشرة ديال الدراهم ولا عشرين ،
أما داك شكرا ديالك را ما عندي ما ندير به !

فين كاين هاد الطلاب باش نقول ليه ايزيد ليا السوايع

يا سبحان الله
الاقتصاد وتطلبت راه بحال بحال

الله يخليك بلخلا اسي براهيم

شوهتينا

achawa hadchi 3andak assi brahim

r1 walou awt7a7 mdr